2021eko IRAILA: TENA BAILARA

Luzaroan mendi irteerak egin gabe, Tena bailaran berreskuratu genuen elkartzen gaituen zaletasuna. Iragarpena egokia ez izan arren, talde jatorra animatu zen eta asteburu ederra pasa genuen.

1. egunean, gure lehen aukera zen Musales beste baterako utzi behar izan genuen eta horren ordez, Ripera bailarara joan ginen. Euria pixkanaka-pixkanaka hasi zen eta txaparrada galantarekin bukatu genuen ibilaldia. Bustita baina gustura, nola ez?!

Igandean berriz, aurreikusitakoa egiteko aukera ederki aprobetxatu genuen. Peyreget mendia igo eta itzulia eman genion. Lainoen artean hasieran eta nahiko ateri txangoaren erdialdetik aurrera.

Hemen duzue asteburu hau laburtzen duen bideoa.

Eskerrik asko parte hartzaile guztiei. Ea hurrengoetan ere elkartzen garen. Bitartean, ondo bizi!

MENDI LITERATURA

  Donde viven los dioses menores.                        Huida al Tibet.                        Lo que la nieve esconde.

               SOS Himalaya                         Bajo los cielos de Asia                  La montaña desnuda

         Bájame una estrella                        Nada es imposible                     Catorce veces ocho mil

          Tocando el vacío                           Cita con la cumbre                       El lobo de las nieves

              Hielo frágil                                         Vivir                               La conquista del Cervino

 Los conquistadores de lo inútil                   Sin fronteras                   Mujer mariposa, mujer tortuga

    Cuánto es mucho tiempo                   Los catorce de Iñaki                    Om, la montaña roja

       El solitario del desierto                    Iñurrategi anaiak                           El espejo de hielo

          Cuerdas rebeldes                              Mi montaña                            La montaña es mi reino

URTE BERRI ON, ZIZKIÑOKIDE!

 Egutegia bete gabe uzten

Zizkiño bada trebea,

aurten record-a hautsi badugu

errua ez da gurea.

Sagardoa edan, dantza ta farra

egin genuen azkena,

asteburu hartan egosi egin zen

gerora etorri zena.

Irrifarre egin

Zizkiñorekin.

Hiru hilabetez, iluntasuna

etxean konfinatuta,

mendi tontorreko ikuspegiak

ta haize freskoa ahaztuta.

Tabernak itxi zituztenetik

zenbat jende doan mendira,

Zizkiñon ere bazkide berri

pila bat egongo dira.

Irrifarre egin

Zizkiñorekin.

Data ezin jarri baina gogotsu

denok berriz elkartzeko,

motxilak hartu ta botak jantzi

ta mendietaz gozatzeko.

Atzean utziz birus gaixotasun

egonezinak ta penak,

elkarbizitza ta besarkadak

gure txertorik onenak.

Irrifarre egin

Zizkiñorekin.

Ta bitartean ondo bukatu

badoan urte eroa,

bi mila eta hogeita bat-a

izan dadila oparoa.

Urte berri on zizkiñokide

eutsi orain arte bezala,

aurrerantzean betiko legez

bideak elkar gaitzala.

Irrifarre egin

Zizkiñorekin.

Urte berri on, Zizkiño!

Egileak: Xabi "Bizki" eta Mikel.

Doinua: "No woman, no cry" (Bob Marley)