2016ko OTSAILA: URBION ETA MONCAYO

"Urterik urte haundituz doa Zizkiñokideen koadrila..."

Ez lainoak ez haize bortitzak, ez zituen zizkiñozaleak kikildu eta aurten bai, aurreikusitako plana burutzea lortu dugu.

Larunbatean "Laguna Negratik" hasi eta izotzari aurre eginez Urbioneko gailurrera igo ginen.

Igandean Moncayoren txanda. Gailurrean eguzki izpiren bat ere ikusteko aukera izan genuen.

Rebollar herriko etxean indarrak berritzeko eta solasaldirako giro paregabea!!

2016ko URTARRILA: ELOSU - NAFARRATE - ZESTAFE

Oso modu onean eman genion hasiera urte berriari, goizean mendi buelta bat emanez eta ondoren, mahai inguruan elkartuz.

Eskerrik asko Mikeli emandako azalpen interesgarriengatik eta Xabiri, bazkaria bertsoarekin borobiltzeagatik.

Eta mila esker zizkiñozale orori, berriz ere, giro aparta sortzeagatik. Bideak elkar gaitzala!

URTE BERRI ON ZIZKIÑOZALE!!

Abendua bukatzera doa

balantzerako tartea,

lehenengo irteera Zubialdera

ta Ubidean jatea

Soriako “Laguna” beltz-zuria

elurtea zen izugarria,

lortu genuen jeistea.

Martxoan Aramaio aldera

sagardo fresko berdea

eta kolore anitzekoa

izan zen Mendi-Astea

Donostia-Orio kostalde urdina

Midi-ren grisa ederra jakina

Zizkiñorentzat urtea

dago kolorez betea.

Urterik urte haundituz doa

Zizkiñokideen koadrila

jantzi zuk ere mendiko botak

hartu pioleta, makila

gure abenturen iturria

badugu egutegi berria

hor duzu plan borobila.

Mendi talde txikia izanik

nortasuna dugu umila,

baina ziurtatuta dituzu

lagun ta emozio pila

bi mila ta hamaseigarrena

ate joka hortxe datorrena

urte ona izan dadila

beti gailurraren bila.

 

Egilea: Xabi "Bizki"

Doinua: Izarren hautsa